Fyrir skömmu lauk viðureign Verslinga og MR-inga í Bláa sal Verzlunarskólans og lauk þar með 3. umferð MORFÍs 2010. Skemmst er frá því að segja að lið Verzlunarskólans bar nauman sigur úr bítum í geysijafnri og skemmtilegri keppni. Munur á liðum var einungis sjö stig, en ræðumaður kvöldsins var stuðningsmaður MR-inga, Jóhann Páll Jóhannsson. Þar með er Versló kominn í undanúrslit, ásamt FG og Kvennó sem unnu sínar keppnir í gær, annarsvegar gegn MH og hinsvegar gegn FB.

Dregið var í dómarahléi fyrir stundu og drógust saman lið Kvennó og MS, en Versló mætir FG. Ljóst er að undanúrslitin verða gríðarlega spennandi, enda fjögur sterk lið sem etja þar kappi. Tímarammi umferðarinnar opnar eftir átta daga í samræmi við lög, föstudaginn 5. mars, en stendur til 26. mars.

Stjórn morfís hvetur liðin til að koma sér sem fyrst upp hentugri dagsetningu og koma skilaboðum skjótt til stjórnar.

Nú er keppnisgluggi 8-liða úrslita kominn vel á veg og því upplagt að fara yfir stöðu mála.

Nú þegar hefur ein keppni farið fram en þar tókust við MS og MÍ um umræðuefnið Meðalmennska. MS sigraði keppnina og er þar með fyrstur skóla til að komast í undanúrslit. Tvær keppnir hafa hlotið frest vegna óviðráðanlegra aðstæðna, en MH tekur á móti FG þann 24. febrúar og Verzló mætir MR í Bláa sal daginn eftir, þann 25. Enn hefur ekekrt heyrst frá aðstandendum FB og Kvennó, en þeir eru kvattir til að gera það sem fyrst.

MORFÍs hóf göngu sína formlega í lok október og hafa síðan þá farið fram tíu viðureignir í 32 og 16 liða úrslitum. Enn er eftir ein viðureign í 16  liða úrslitum, og takast þar á lið FG og FS.  Lið sem komin eru áfram eru í stafrófsröð; FB, Kvennó, MH, MÍ, MR, MS og Verzló, auk sigurskólans í lokakeppni umferðarinnar.